कोरोना संक्रमणबाट बाजुरामा दुई वर्षीया बालिकाको मृत्यु

काठमाडौँ । कोरोना भाइरस (कोभिड–१९) का कारण बाजुरामा दुई वर्षीया बालिकाको मृत्यु भएको पुष्टि भएको छ ।

उनको रिपार्ट कोरोना पोजेटिभ देखिएको स्वास्थ्य तथा जनसंख्या मन्त्रालयले जनाएको छ । बुढीगंगा नगरपालिका–१ घर भएकी २ वर्षीया बालिकाको शनिबार राति करिब २ बजे ती बालिकाको मृत्यु भएको थियो । ८ दिनअघि उनको परिवार भारतबाट आएको थियो ।

Advertisement

भारतबाट आएका उनीहरुको परिवारलाई बुढीगंगा नगरपालिका–१ घुरालसैना माविको क्वारेन्टाइनमा राखिएको थियो ।

यो सँगै नेपालमा कोरोना भाइरसबाट मृत्यु हुनेको संख्या ८ पुगेको छ भने कोरोना जितेर अहिलेसम्म २२० जना अस्पतालबाट घर फर्किएका छन्।