मन्त्रिपरिषद् वैठक बस्दै, लकडाउनको मोडालिटी परिवर्तनबारे छलफल

काठमाडौं । आज (शनिबार) साँझ ५ बजेका लागि मन्त्रिपरिषद्को बैठक बस्दै छ ।

प्रधानमन्त्रको सरकारी निवास बालुवाटारमा बोलाइएको बैठकमा शुक्रबार बसेको उच्चस्तरीय समितिको बैठकको निर्णय पेस हुने वालुवाटार स्रोतले जनाएको छ । आजको बैठकमा कोरोनाभाइरस रोकथामका लागि जारी लकडाउनको मोडालिटी परिवर्तन, विदेशमा अलपत्र नेपालीको उद्धार लगायतका एजेण्डामा छलफल हुने बताईएको छ ।

Advertisement

विभिन्न देशमा रहेका नेपाली दूतावासको समन्वयमा अलपत्र परेका नेपालीलाई उद्धार गर्न उच्चस्तरीय समितिले सिफारिस गरेको छ । सरकारले पछिल्लो पटक थप १५ दिन थपेको लकडाउनको अवधी यही जेठ २० गते सकिँदैछ ।