काठमाडौँसहित नेपालमा थप ३ जनामा कोरोना संक्रमण पुष्टि

✍️ नयाँपुस्ता डटकम १ जेष्ठ २०७७, बिहीबार २०:४७

काठमाडौँ। थप तीन जनामा कोरोना संक्रमण पुष्टि भएको छ। काठमाडौँ, धनुषा र धादिङका १/१ जनामा कोरोना संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ।

राष्ट्रिय जनस्वास्थ्य प्रयोगशालामा गरिएको परीक्षणमा काठमाडौँ दहचोक निवासी ७ वर्षीय बालक, धनुषा निवासी १७ वर्षीय महिला र धादिङ निवासी ३० वर्षीय महिला संक्रमित भएका मन्त्रालयका सहप्रवक्ता डा समीरकुमार अधिकारीले जानकारी दिएका छन्।

योसँगै नेपालमा कोरोना संक्रमितको संख्या २४९ पुगेको छ।