मृत्यु संस्कारमा जाने बाहेक अन्यलाई सवारी पास नदिइने

काठमाडौं । जिल्ला प्रशासन कार्यालय काठमाडौंले आजदेखि आफ्नो परिवारका सदस्यको मृत्यु संस्कारमा जानेबाहेकलाई सवारी पास नदिने भएको छ ।

पासको अत्यधिक माग आउन थालेपछि लकडाउन उल्लघङ्न हुन थालेको भन्दै प्रशासनले परिवारका सदस्यको मृत्यु संस्कारमा जानेबाहेकलाई सवारी पास नदिने निर्णय गरेको हो ।

Advertisement

यसअघि अत्यावश्यक कामको लागि प्रशासनले गाडीको पास दिने व्यवस्था थियो ।