मुस्ताङको ऋषि गुम्बा कलाकार नगेन सिंहको क्यानभासमा

✍️ नयाँपुस्ता डटकम १८ श्रावण २०८२, शनिबार ०९:४१

मुस्ताङ । नेपालका विभिन्न ठाँऊमा पुगेर चित्रकला सिर्जना गर्ने क्रममा प्राज्ञ नगेन सिंह ठकुरीले मुस्ताङ जिल्लाको मार्फामा पुगेर आफ्नो क्यानभासमा थकाली जातिको भगवान ऋषि गुम्बा उर्तानुभएको छ ।

प्राज्ञ ठकुरीले वेदको सार, बुद्धको वाणी, ग्यालिलियो, न्युटन, आइन्सटाइनका जस्तै सिद्धान्त, देवकोटाको जस्तै आँसुलेखन, भीमसेनको जस्तै स्वाभिमान अनि अरनीकोको जस्तै कलाले सजिएको प्राज्ञिक भूमि नेपाललाई विश्वको उत्कृष्ट गन्तव्य बनाउने महाअभियानका क्रममा मुस्ताङ जिल्लाको मार्फामा पुगेर आफ्नो त्रिकाण क्यानभासमा थकाली जातिको भगवान ऋषि गुम्बा उतारेको बताउनुभयो ।

त्रिकोण शैलीमा कला सिर्जना गर्ने कलाकार प्राज्ञ ठकुरी भन्नुहुन्छ, “हामी सुस्ताएका छैनौ । हामी ऊर्जाशील थियौं, ऊर्जाशील छौं र ऊर्जाशील नै रहने छौं ।”

प्राज्ञ ठकुरीले सगरमाथा जस्तै गर्विला हाम्रा पाइला सङ्घर्ष र सफलताका घोषणा गरेको १५ औं वसन्त पार गर्दै ’नेपाल कला यात्रा’ पुस्तक यहाँहरुलाई पस्कन लाग्दा असीम आनन्दको अनुभूति भएको बताउनुभयो ।

यसै शिलसिलामा बिश्वको उत्कृष्ट गन्तव्य नेपाल बनाउने अन्तर्गत मुस्ताङ जिल्लाको मार्फामा पुगेर आफ्नो त्रिकोण क्यानभाषमा थकाली जातिको भगवान ऋषि गुम्बा चित्र क्यानभाषमा उतारिएको बताउनुभयो ।

यस्तै प्रकारले ७७ जिल्ला पुगेर चित्रकला सिर्जना गरि नेपाल बिश्वको उत्कृष्ट गन्तव्य बनाउन नेपाल ललितकला प्रज्ञा प्रतिष्ठानका पूर्व प्राज्ञ सभा सदस्य विश्वकला यात्री प्राज्ञ नगेन सिंह ठकुरीलाई राष्ट्रपतिद्वारा प्रबल जनसेवाश्री मानपदवीद्वारा २०८० वैशाख १ गते विभूषित पनि गरिएको थियो । जसको हौसला स्वरूप नेपालको ७७ वटै जिल्लाको ठाउँहरूको चित्रकला सिर्जना गरीएको कलाकृतिहरू विश्वको सबै भाषामा रंगीन पुस्तक “नेपाल कला यात्रा” प्रकाशन गर्न गरि हरेक देशको विश्वबिद्यालय र पुस्तकालयमा सोहि देशको मातृ भाषामा कम्तीमा ५०० प्रति निशूल्क वितरण गर्ने जसले गर्दा स्वअध्ययन गरेर नेपाल घुम्न आउनेहरुले नेपाल विकाश भई नेपालीहरु सम्मुन्नततिर जाने कुरामा उहाँ विश्वत हुनुहुन्छ ।

“नेपाल कला यात्रा” पुस्तकलाई विश्व कीर्तिमानहरू लेखाउन लागि पर्नुभएको छ । नेपाल ललितकला प्रज्ञा प्रतिष्ठानको २०७१ मा प्राज्ञ सभा सदस्य, २०७४ स्वर्ण पदक, अरनिको युवा पुरस्कार (राष्ट्रिय युवा कोष), २०६९ दोस्रो राष्ट्रिय ललितकला प्रदर्शनी, नाफा (पश्चिमाञ्चल क्षेत्रीय पुरस्कार), २०५९ सान्वना पुरस्कार पेन्टिङ प्रतियोगिता, नेपाल कर्मसियल आर्टिस्ट संघ, केन्द्रीय समिति, राष्ट्रपतिद्वारा प्रबल जनसेवाश्री मानपदवी द्वारा २०८० वैशाख १ गते विभूषित र दर्जनौ पटक सम्मातिन कलाकार प्राज्ञ नगेन सिंह ठकुरीले कला विषयमा स्नातकोत्तर गर्नुभएको छ । १२ वटा एकल कला प्रदर्शनी गरि सक्नुभएको छ ।

हालसम्म १०० रूपया एवं सो भन्दा बढी योगदान पूर्व प्रधानमन्त्रीहरु शेर बहादुर देउवा र माधवकुमार नेपाल, उप प्रधानमन्त्री प्रकाशमान सिंह श्रेष्ठ, पूर्व उपप्रधानमन्त्री पूर्ण बहादुर खड़का, पूर्व मन्त्री गगन थापा, पूर्व मुख्यमन्त्री खगराज अधिकारी, पुर्व शिक्षा मन्त्री विद्या भट्टराई, संस्कृति मन्त्री बद्रि पाण्डे,प्रतिनिधि सभा सदस्य डा. चन्द्र भण्डारी, शिव नेपाली, प्रदेश सांसद सरस्वति गुरुङ, कलाकार, पत्रकार, शिक्षाविद, युनाइटेड क्लव पोखरा(पोखरा महोत्सव), लेखनाथ उद्योग वाणिज्य ( लेखनाथ महोत्सव), परिर्वतनको लागि हामी अभियान नेपाल, धर्मगुरु, साहित्यकार, व्यवसायी देखि नेपाल संगीत तथा नाट्य प्रज्ञा प्रतिष्ठानको कुलपति निशा शर्मा, अशेष मल्ल, बिजय विस्फोट, निर्देशक अनुप बराल, मिलन चाम्स, नेपाली हिपहप म्यूजिकका संरक्षक -यापर सुरेन्द्र गुरुङ ( हाकिम ), गायक गायीका ज्योति मगर, शान्ति श्री परियार, एलिना चौहान, रचना रिमाल, दिपक बज्रचार्य, प्रकाश दुतराज, टिका प्रसाई, रितु कडेल, डिजे नान र सुप्रिम मल्ल ठकुरी लगायत १५०० जना भन्दा बढी सहभागी भै सकेका छन् ।