ललितपुरका नापी सर्वेक्षक यादवसहित तीनजना घुससहित पक्राउ

✍️ नयाँपुस्ता डटकम १० माघ २०८०, बुधबार ११:१६

काठमाडौं । ललितपुरका नापी सर्वेक्षक रामवीर यादवसहित तीनजनालाई घुससहित पक्राउ परेका छन् । अख्तियार दुरुपयोग अनुसन्धान आयोगले उनीहश्रलाई पक्राउ गरेको हो ।

आयोगको टंगाल कार्यालयबाट खटिएको टोलीले नापी कार्यालय ललितपुरका नापी सर्वेक्षक रामवीर यादव, लेखापढी व्यवसायी दिनेश बन्जारा र विनोद अधिकारीलाई २ लाख ५० हजार रकमसहित नियन्त्रणमा लिएको हो।

आयोगका अनुसार कित्ताकाट गर्न सहजीकरण गरेको भन्दै घुस मागिरहेको सूचनाका आधारमा उनीहरूलाई नापी कार्यालय परिसरबाटै नियन्त्रणमा लिइएको हो।

तीनै जनामाथि अनुसन्धान भइरहेको आयोगले जनाएको छ।