बसको ठक्करबाट बालाजुमा २ जनाको ज्यान गयो, सवारीसहित चालक फरार

काठमाडौं । काठमाडौंको बालाजु गंगाहल अगाडी मिनिबसले किचेर बाटो काट्दै गरेका दुईजना पैदल यात्रुको ज्यान गएको छ ।

विहान ६ बजे आसपास रसुवा घर भएका १८ वर्षीय विकास तामाङ र ५० वर्षीया महिलालाई किचेर मिनिबस फरार भएको छ। महानगरीय ट्राफिक महाशाखाका अनुसार ठक्कर दिने मिनिबसको नम्बर खुल्न सकेको छैन ।

Advertisement

मिनिबसको ठक्करबाट घाईते भएका उनीहरुको उपचारका क्रममा त्रिवी शिक्षण अस्पताल महाराजगञ्जमा मृत्यु भएको हो । बुधबार बिहान पनि बालाजुमा ट्याक्टरले किचेर एक जनाको मृत्यु भएको थियो ।

ट्याक्टरले किचेर गम्भीर घाइते भएका अन्दाजी ६० वर्षीय पुरुषको पनि उपचारका क्रममा त्रिवी शिक्षण अस्पताल महाराजगञ्जमा नै मृत्यु भएको थियो ।