दसैँको अवधिमा दुर्घटनाबाट देशभर १६१ को ज्यान गयो

✍️ नयाँ पुस्ता २ कार्तिक २०७८, मंगलवार १६:३०

काठमाडौँ । दसैँको अवधिमा सवारी दुर्घटनाका कारण ठूलो मानवीय क्षति भएको छ। प्रहरी प्रधान कार्यालयका अनुसार दसैँको घटस्थापनपछि कात्तिक १ गतेसम्म दुर्घटनाका कारण १६१ जनाको मृत्यु भएको छ।

प्रहरी प्रधान कार्यालयका अनुसार फूलपातीको दिन मुगुमा बस दुर्घटना हुँदा ३२ जनाको मृत्यु भयो।

नेपालगञ्जबाट मुगु सदरमुकाम गमगढी जाँदै गरेको छायाँनाथ रारा यातायात प्रालिले संचालन गरेको भे।१ख ३१६७ नम्बरको बस जुम्ला-मुगु सडक खण्डको पिनातपने खोलामा पल्टेको थियो।

यसैगरी दसैँको अवधिमै कास्कीमा जीप दुर्घटना हुँदा ८ जनाले ज्यान गुमाए। अन्नपूर्ण गाउँपालिका-१० स्थित घान्द्रुक नजिकै ग १ ज ६९०० नम्बरको जिप दुर्घटना भएको थियो।

सोही अवधिमा काठमाडौँ उपत्यकामा दसैँ अवधिभरमा ३०८ वटा दुर्घटना भएका छन्। जसमा ३ जनाले ज्यान गुमाएका छन्।