नुवाकोटमा बुवाले छोरीलाई गरे यस्तो ! अदालतले सुनायो २९ वर्षको कैद सजाय

नुवाकोट । जिल्ला अदालत नुवाकोटले आफ्नै छोरी करणी गरेको अभियोग लागेका आरोपितको कसुरमा दोषी ठहर गर्दै २९ वर्षभन्दा बढी सजायको फैसला गरेको छ।

४ वर्षिया छोरीलाई बलात्कार गरेको कसुरमा ३६ वर्षिय बाबुलाई जिल्ला अदालत नुवाकोटले २९ वर्ष ६ महिना कैद सजाय सुनाएको हो। जिल्ला न्यायधिश उमेशप्रसाद लुइटेलको इजलासले विहीबार आरोपितले गरेको कसुरमा दोषी ठहर गर्दै उक्त सजायको फैसला गरेको जिल्ला अदालतले जनाएको छ।

Advertisement

अदालतले बलात्कारमा २५ वर्ष सजाय र हाडनाता करणीमा चार वर्ष ६ महिना कैद सजाय गरेको हो । अदालतले कसुरदारबाट ५० हजार रुपैयाँ जरिवाना तिराउन पनि आदेश दिएको छ।

२०७७ असार ६ गते छोरीलाई करणी गरेको भन्दै बालिकाको आमाले श्रीमान् विरुद्द असार ७ गते जिल्ला प्रहरी कार्यालयमा उजुरी दिएकी थिइन् । सूर्यगढी गाउँपालिकामा घर भएका उनीहरु लिखु गाउँपालिकामा डेरामा बस्दै आएका थिए।

घटना लिखु गाउँपालिकामा भएको थियो । आरोपितलाई नुवाकोट प्रहरीले असार ७ गते पक्राउ गरेको थियो । उनलाइ जिल्ला अदालत नुवाकोटले २०७७ साउन १ गते पुर्पक्षको लागि थुनामा पठाएको खबर त्रिशुली खवर साप्ताहिकमा छापिएको छ ।