भारत विभिन्न स्थानमा भूकम्प

✍️ नयाँपुस्ता डटकम ६ श्रावण २०७८, बुधबार ०९:३०

काठमाडौँ । भारतका अलगअलग क्षेत्रमा बुधबार बिहान शक्तिशाली भूकम्पको झट्का महशुस गरिएको छ।

राजस्थान, मेघालय तथा लद्दाखमा भूकम्प गएको हो। यी मध्ये राजस्थानको बीकानेरमा ५ दशमलव ३ रेक्टर स्केलको भूकम्प मापन गरिएको छ। यसबाहेक मेघालयमा पनि भूकम्पको झट्का महशुस गरिएको छ।

भारतको राष्ट्रिय भूकम्प विज्ञान केन्द्रले राजस्थानका बीकानेरमा आज बिहान ५ बजेर ३९ मिनेटछमा भूकम्पको झट्का महशुस गरिएको जनाएको छ।

यसबाहेक लेह लद्दाखमा पनि बिहान करिब सवा ५ बजे भूकम्पको झट्का महशुस गरिएको छ, जसको मापन ३ दशमलव ६ रहेको जनाइएको छ।

भूकम्प गएपछि धेरै मानिसहरु घर बाहिर निस्किएका थिए। कोरोना महामारीका कारण जनजीवन प्रभावित भइरहेका बेला गएको भूकम्पले मानिसलाई त्रसित बनाएको छ।