मुख धुँदा नगर्नुहोस् यी गल्ती, नत्र बिग्रिएला अनुहार

काठमाडौँ । मानिसको पहिलो परिचय उसको अनुहार हो। अनुहार राम्रो भएको व्यक्ति सबैको नजरमा पर्छ। यदी अनुहारमा कुनै दाग वा खत भए पनि उ सबैको नोटिसमा पर्छ।

यस्तो संवेदनशील भाग अनुहार दैनिक सफा गर्नुपर्छ। तर थोरै असावधानीले अनुहारमा हानी पनि पुग्नसक्छ। त्यसैले अनुहारलाई जोगाइराख्न तपाईले थोरै सावधानी अपनाउनै पर्छ।

Advertisement

बिहानै सबेरै उठेपछि सबैको मुखधुने बानी हुन्छ। यो राम्रो हो। तर अनुहारलाई अझ राम्रो, मुलायम र सफा बनाउन मुख धुने बेलामा धेरै ख्याल गर्न आवश्यक छ।

मुख धुदा ख्याल गर्नुपर्ने टिप्सः

मुख हल्का मन तातो पानीले धुनुपर्छ। अनुहारको छाला धेरै नै नरम हुने भएकाले बढी रगेडिएमा असर पर्छ। मुख धोएपछि नरम र सफा कपडाले अनुहार पुछ्नु पर्छ । पुछ्दा पनि धेरै रगेड्नु हुँदैन।

अनुहारको मसाज राम्रो मानिएपनि राम्रो र फाइदा गर्ने तेलको प्रयोग गर्नुपर्छ।हतारमा सफा र मसाज गर्नु हुँदैन । ध्यान दिएर अनुहारको सफाइ गर्नुपर्छ।

अनुहारमा असर गर्ने उत्पादन जतिसुकै आकर्षक भएपनि प्रयोग गर्नु हुँदैन। फेसवास अथवा साबुन पानीले धुदा धेरै रगेड्नु हुँदैन।

अनुहार सफा गरेपछि त्वचा सुख्खा नहोस् भन्नका लागि मोइस्चराइजिङ क्रिम लगाउनु राम्रो मानिन्छ। अनुहारमा लगाउने क्रिम वा कुनै उत्पादन छालाको प्रकृति अनुसार मिल्ने खालको हुनुपर्छ।

अनुहारलाई हानी पुर्‍याउने क्लिनरको कहिल्यै प्रयोग गर्नुहुँदैन ।