अमेरिकामा कोरोनाबाट मृत्यु हुनेको संख्या ४ लाख ५० हजार नाघ्यो

काठमाडौँ । अमेरिकामा कोरोनाले मृत्यु हुनेको संख्या ४ लाख ५० हजार नाघेको छ।

पछिल्लो २४ घण्टामा २ हजार ८८९ संक्रमितको मृत्यु भएसँगै अमेरिकामा कोरोनाले ज्यान गुमाउने संक्रमितको संख्या ४ लाख ५० हजार ३८१ पुगेको छ।

Advertisement

यस्तै, पछिल्लो २४ घण्टामा १ लाख ४० हजार ७३२ जनामा संक्रमण पुष्टि भएको छ। यसअघि २७ मंसिरमा एकैदिन अहिलेसम्मकै धेरै ३ लाख ८६ हजार ६५४ जनामा संक्रमण भएको थियो।

पछिल्लो वृद्धिसँगै अमेरिकामा संक्रमितको संख्या २ करोड ६६ लाख नाघेको छ। संक्रमितमध्ये अहिलेसम्म १ करोड ६३ लाख २८ हजार ९५० जना संक्रमणमुक्त भएका छन्।

उपचार गराइरहेका ९८ लाख ७६ हजार ४०९ जनामध्ये २४ हजार ४८८ जनाको अवस्था गम्भीर रहेको वर्ल्डोमिटर्सले जनाएको छ।