बोलेरोको ठक्करबाट पैदलयात्रको मृत्यु

✍️ नयाँपुस्ता डटकम ८ मंसिर २०७७, सोमबार ०८:३५

झापा । झापाको विर्तामोडमा हिजो साँझ बोलेरोको ठक्करबाट एक पैदलयात्रीको मृत्यु भएको छ ।

ट्राफिक प्रहरीका अनुसार मृत्यु हुनेमा तेह्रथुम आठराई घर भई हाल विर्तामोड बुट्टाबारी बस्ने अन्दाजी ३२ वर्षका केवल खवास रहेका छन्।

उनलाई आइतबार साँझ सवा ६ बजेतिर पूर्वपश्चिम लोकमार्ग अन्तर्गत विर्तामोड ६ मा मे १ ज ३११९ नम्बरको बोलेरोले ठक्कर दिएको थियो।

ठक्करबाट गम्भीर घाईते खवासको उपचारका क्रममा विएण्डसी अस्पतालमा मृत्यु भएको हो।

ठक्कर दिने सवारी र चालकलाई प्रहरीले नियन्त्रणमा लिएको १ नम्बर प्रदेश ट्राफिक प्रहरी कार्यालय इटहरीले जनाएको छ।