लिस्बनको निलो मेट्रो लाइनमा सुरुङ्गको छत खस्यो, ४ घाइते, मेट्रो अवरुद्ध

✍️ नयाँपुस्ता डटकम १३ आश्विन २०७७, मंगलवार १६:४६

गणेश पाण्डेय

लिस्बन । लिस्बनको निलो मेट्रो लाइनमा छत खस्दा ४ जना घाइते भएका छन्। मेट्रो लाइनमै छत खस्दा यात्रुहरुले भागाभाग गरेका थिए।

छत खसेपछि निलो लाइन अवरुद्ध भएको थियो। सो घटना प्रासा दे स्पान्ह्या र साउ सबास्सियो स्टेशनको बिचमा भएको हो।

छत खस्दा ४ जना घाइते भएतापनि कोही पनि हताहत नभएको पिएसपी प्रहरीले जनाएको छ।

मेट्रो सुरुङ्गको छत कसरी र किन खस्यो भन्ने बारेमा अधिकारीहरु अनुसन्धान गरिरहेका जनाईएको छ।

घटनामा घाइते भएका ४ जनामध्ये दुइ जनालाई सामान्य चोट लागेकोले घटनास्थलमै उपचार गरिएको र अन्य २ जनालाई उपचारका लागि इनेम एम्बुलेन्समा अस्पताल लागिएको छ।

घटना मंगलबार दिउँसो २ः३० बजेको हो।

निलो मेट्रो अवरुद्ध भएतापनि अहिले सान्ता अपोलोनिया देखि मार्केस पोम्बाल र रिबोलेइरा देखि लारेञ्जेइरससम्म मात्रै संचालन भईरहेको छ।