कन्ट्याक्ट ट्रेसिङमा परेका ऊर्जामन्त्रीको कोरोना रिपोर्ट आयो

✍️ नयाँपुस्ता डटकम ८ आश्विन २०७७, बिहीबार ०७:४५

काठमाडौँ । ऊर्जा, जलस्रोत तथा सिँचाइमन्त्री वर्षमान पुनको पीसीआर रिपोर्ट आएको छ ।

सुरक्षामा खटिएका नेपाली सेनाका जमदारलाई कोरोना पोजेटिभ देखिएपछि पुन शुक्रबारदेखि होम आइसोलेसनमा थिए ।

मन्त्री पुनले बुधबार स्वाब दिएका थिए। तर, बिहीबार बिहान उनको रिपोर्ट नेगेटिभ आएको हो ।

रिपोर्ट नेगेटिभ आएपछि उनी नियमित काममा फर्किएको उनको निजी सचिवालयले जनाएको छ । उनको सुरक्षागार्डको पनि बिहीबार रिपोर्ट नेगेटिभ आएको छ ।