नेपालमा कोरोना संक्रमणबाट थप ११ जनाको मृत्यु

✍️ नयाँपुस्ता डटकम ३ आश्विन २०७७, शनिबार ११:१४

काठमाडौँ । नेपालमा कोरोना संक्रमणबाट थप ११ जनाको मृत्यु भएको छ। यो सँगै नेपालमा कोरोना संक्रमणबाट ज्यान गुमाउनेको संख्या ४०१ पुगेको छ।

त्यस्तै पछिल्लो २४ घण्टामा नेपालमा थप १ हजार २०४ जना कोरोना संक्रमित थपिएका छन् ।स्वास्थ्य तथा जनसंख्या मन्त्रालयको नियमित पत्रकार सम्मेलनमा मन्त्रालयका प्रवक्ता डा जागेश्वर गौतमले थप १ हजार २०४ जना कोरोना संक्रमित थपिएको जानकारी दिए। यो सँगै नेपालमा कूल कोरोना संक्रमित संख्या ६२ हजार ७९७ पुगेको छ।

त्यस्तै पछिल्लो २४ घण्टामा १ हजार ४४७ जनाले कोरोना जितेका छन्।

अहिले १७ हजार १२९ जनामा संक्रिय संक्रमित छन्। उनीहरु विभिन्न आइसोलेसनमा उपचाररत छन्। त्यस्तै देशभरका क्वारेन्टिनमा ७ हजार ७३५ जना छन्।

त्यस्तै पछिल्लो २४ घण्टामा थप ११ जना संक्रमितको मृत्यु भएको छ।