![top Inside [Health Ministry]](https://nayapusta.com/wp-content/uploads/2025/05/Nepallife.gif)
काडमाडौँ । नेपाली काँग्रेसका प्रभावशाली नेता तथा संविधान सभा सदस्यएवं पूर्व सांसद डा. चन्द्र भण्डारीले काठमाडौको खुल्लामञ्चमा निःशुल्क खाना खुवाउन सहयोग रकम हस्तान्तरण गरेका छन्।
कोरोनामहामारीका कारण आम्दानी गुमाएका र भोकभोकै बस्नु पर्ने अवस्थामा रहेकाहरुलाई खाना खुवाउदै आएको हाम्रो टिम नेपाललाई डा. भण्डारीले १ लाख ५ हजार रुपैया नगद हस्तान्तरण गरे।
Advertisement
निःशुल्क कपडा बैंक सञ्चालन गरी हुनेले दिने र नहुनेले लिने अभियान शुरु गरेको हाम्रो टिम नेपालमा आबद्ध युवाहरुले धेरै रचनात्मक र स्वयमसेवी सामाजिक कामहरु गरेकाले प्रभावित भएर सहयोग रकम प्रदान गरेको डा. भण्डारीले बताए।
उनले आफ्ना साथीहरु सत्यनारायण केवल र प्रमोद चौधरीबाट ७० हजार रुपैयाँ र राजकुमार बस्नेतबाट ३५ हजार रुपैयाँ सहयोग संकलन गरेर हाम्रो टिम नेपाललाई दिएको पनि जानकारी दिए । उनले केही थान मास्क पनि दिएका थिए।
नेता भण्डारीबाट रकम प्राप्त गरेपछि हाम्रो टिम नेपालका अध्यक्ष विमल पन्तले राजनीतिक क्षेत्रबाट आफुहरुलाई पहिलो पटक सहयोग प्राप्त भएको भन्दै खुशी व्यक्त गरे।