नेपालमा कोरोनाबाट थप ६ जनाको मृत्यु, मृतकको संख्या १२६ पुग्यो

काठमाडौँ । नेपालमा पछिल्लो २४ घण्टामा कोरोना भाइरस (कोभिड-१९) बाट थप ६ जनाको मृत्यु भएको छ। यो सँगै कोरोनाबाट मृत्यु हुनेको संख्या १२६ पुगेको स्वास्थ्य तथा जनसंख्या मन्त्रालयले जनाएको छ।

बिहीबार आयोजित कोभिड–१९ नियमित प्रेस ब्रिफिङमा मन्त्रालयका प्रवक्ता डा जागेश्वर गौतमले काठमाडौँ र पर्साका १ –१ महिला तथा मकवानपुर, सप्तरीका १–१ जना पुरुष र पर्साका २ पुरुष गरी ६ जनाको मृत्यु भएको जानकारी दिए।

Advertisement

त्यस्तै पछिल्लो २४ घण्टामा नेपालमा ७०७ जनामा कोरोना संक्रमण पुष्टि भएको छ। जसमध्ये काठमाडौँ उपत्यकाका मात्रै २०० जना रहेका छन्।