शुक्रबार बिहानै गण्डकीमा थपिए ३२ संक्रमित, नवलपुरमा मात्रै १९

काठमाडौँ । नेपालमा शुक्रबार बिहानै ३२ जनामा कोरोना भाइरस (कोभिड १९) संक्रमण पुष्टि भएको छ।

प्रदेश क्षयरोग केन्द्र, पोखरा र भरतपुर अस्पताल, चितवनमा गरिएको परिक्षणमा गण्डकी प्रदेशका ४ जिल्लामा ३२ जनामा कोरोना संक्रमण पुष्टि भएको स्वास्थ्य निर्देशनालय, गण्डकी प्रदेशले जनाएको छ।

Advertisement

निर्देशनालयका अनुसार संक्रमित हुनेहरुमा नवलपुर (नवलपरासी पूर्व) मा १९, तनहुँमा ९, पर्वतमा ३, बागलुङमा एक रहेका छन् ।

अध्यावधिक विवरण अनुसार गण्डकी प्रदेशमा कोरोना संक्रमितको संख्या १०६३ पुगेको छ । सबै व्यक्तिहरुलाई सम्बन्धित जिल्लाहरुमा रहेका आईसोलेसन कक्षमा लैजाने तयारी भैरहेको निर्देशनालयले जनाएकाे छ ।