क्वारेन्टीन ब्यबस्थापनमा खटेका वडाध्यक्षको मृत्यु

कञ्चनपुर । कञ्चनपुरमा क्वरेन्टीन व्यवस्थापनमा खटिएका एक वडाध्यक्षको मृत्यु भएको छ ।

कञ्चनपुरको कृष्णपुर नगरपालिका वडा नम्बर ७ मा रहेको राष्ट्रिय माविमा क्वरेन्टीन व्यवस्थापनमा जुटेका बेला एक्कासी बेहोस भएपछि कृष्णपुर नगरपालिका-७ का वडाध्यक्ष कल्लु रानाको घटनास्थलमै मृत्यु भएको हो ।

Advertisement

क्वारेन्टिन व्यवस्थापनमा सक्रिय रहेकाले मृतकको कोरोना परीक्षण गर्न स्वाब झिकिएको अस्पतालले जनाएको छ।

उनको हृदयघातका कारण मृत्यु भएको हुनसक्ने अनुमान गरिएको छ । रानाको शव अहिले सेती प्रादेशिक अस्पताल धनगढीमा राखिएको छ ।

 उनी नेपाली काँग्रेसबाट वडा अध्यक्षमा बिजयी भएका थिए ।