वामदेव गौतमलाई उपाध्यक्ष बनाउने स्थायी कमिटीको निर्णय

✍️ Nayapusta Desk ६ पुष २०७६, आईतवार १५:१७

काठमाडौं । सत्तारूढ नेपाल कम्युनिष्ट पार्टी (नेकपा) ले नेकपाका सचिवालय सदस्य वामदेव गौतमलाई उपाध्यक्ष बनाउने प्रस्तावलाई पारित गरेको छ ।

महासचिव विष्णु पौडेलले विधान संशोधनका लागि गरेको प्रस्ताव स्थायी कमिटीको आइतबारको बैठकले पारित गरेपछि अब केन्द्रीय कमिटीमा यो एजेन्डाबारे थप छलफल हुनेछ ।

अब नेकपाले पुस २३ गते केन्द्रीय कमिटी बैठक डाकेको छ । नेकपामा चार सय ४५ सदस्यीय केन्द्रीय कमिटी छ । केन्द्रीय कमिटी बैठकबाट पनि यो प्रस्ताव पारित भएमा गौतम उपाध्यक्ष हुनेछन् ।

सचिवालय बैठकले उपाध्यक्ष बनाउने निर्णय गर्दै विधान संशोधन प्रस्ताव गरेको थियो । नेकपामा अब एक उपाध्यक्ष रहने विधानमै व्यवस्था हुने भएको छ ।

बैठकले अतिक्रमित नेपाली भूमि लिम्पियाधुरा, लिपुलेक, कालापानी लगायत फिर्ता ल्याउन र सीमा विवाद हल गर्न पार्टीले पुनस् ठोस पहल गर्नुपर्ने पनि निर्णय गरेको छ।