लिबिया आक्रमणमा एक नेपालीको ज्यान गयो

एजेन्सी । लिबियाको राजधानी त्रिपोली नजिकै एउटा थुनुवा केन्द्रमा गरिएको बम बिस्फोटमा परी एक नेपालीको ज्यान गएको छ ।

मंगलबार राती भएको बिस्फोटमा २७ वर्षीय सन्तोष श्रेष्ठको ज्यान गएको इजिप्टको कारयोमा रहेको नेपाली दूतावासले जानकारी दिएको छ ।

Advertisement

श्रेष्ठ युरोपेली मुलुक इटालीका लागि हिँडेको तर  मानव तस्करको चङ्गुलमा परेर युद्धग्रस्त अफ्रिकी देश लिबियामा पुगेको बताइएको छ ।

आक्रमणमा परी २७ वर्षीय सन्तोष श्रेष्ठसहित धेरै शरणार्थी तथा आप्रवासीको मृत्यु भएको छ ।