सुदूर पश्चिममा भूकम्पको धक्का महशुस

बैतडी । सुदूरपश्चिममा शनिबार राति भूकम्पको धक्का महशुस गरिएको छ। शनिबार राति ९ बजेर ८ मिनेटमा सुदूर पश्चिममा भूकम्प गएको हो।

बझाङ सदरमुकाम चैनपुरबाट पूर्वतिर कैलाश केन्द्रबिन्दु भएर ४ दशमलव ३ रेक्टर स्केलको परकम्प गएको भूकम्प मापन केन्द्रले जनाएको छ। उक्त भूकम्पको धक्का बैतडी, दार्चुला र बझाङलगायतका जिल्लामा महशुस गरिएको थियो।

Advertisement

यसअघि गएको चैत २६ गते पनि बैतडी र दार्चुलाको सीमाक्षेत्र आसपास केन्द्रबिन्दु भएर ३ दशमलव ६ रेक्टर स्केलको परकम्प गएको थियो। यसका साथै चैत ४ गते पनि भारत र चीनको सीमा आसपास दार्चुलाको लिपुलेक केन्द्रबिन्दु भएर लगातार तीनपटक परकम्प गएको थियो।

२०७२ साल बैशाख १२ गते गएको शक्तिशाली भूकम्पपनि परकम्प जाने क्रम अझै रोकिएको छैन्।