दक्षिणकालीबाट काठमाडौँ आउँदै गरेको यात्रुबाहक बस दुर्घटना

काठमाडौँ । आज बिहान दक्षिणकालीबाट काठमाडौं आउँदै गरेको बस दुर्घटना भएको छ।

ना ३ ख १४४४ नम्बरको बस बिहान ललितपुरको हात्तीवनमा दुर्घटनामा परेको काठमाडौं प्रहरी परिसरले जानकारी दिएको छ। दुर्घटनामा ३५ घाइते भएका छन्। जसमध्ये ३ को अवस्था गम्भीर छ।

Advertisement

प्रहरी कार्यालय, फर्पिङका प्रहरी निरीक्षक राजाराम खड्काका अनुसार, घाइतेहरूलाई मनमोहन र वयोधा अस्पताल पठाइएको छ। १ जना घाइतेलाई भने मनमोहन अस्पतालले ट्रमा सेन्टरमा रिफर गरेको जानकारी आएको खड्काले बताए।

बस घुम्ती सडकमै पल्टिएको छ। सडकमै पल्टिए पनि सवारी आवागमनमा भने बाधा नपुगेको प्रहरीले जनाएको छ।