लोकसेवाको स्थानीय तहको विज्ञापन खारेजीको माग राख्दै आन्दोलन गरिरहेका ११ जना पक्राउ

काठमाडौं । लोकसेवा आयोगले स्थानीय तहमा पदपूर्तिका लागि गरेको विज्ञापन खारेजीको माग राख्दै सिंहदरबार घेराउ गर्न काठमाडौंको भद्रकालीमा भेला भएका ११ जनालाई प्रहरीले पक्राउ गरेको छ ।

लोकसेवाको विज्ञापन खारेजीको माग राख्दै आन्दोलन गरिरहेको आरक्षण बचाउ आन्दोलनले आइतबार सिंहदरबार घेराउको कार्यक्रम राखेको थियो।

Advertisement

भद्रकालीबाट सिंहदरबारतर्फ अघि बढ्ने क्रममा आन्दोलनमा सहभागी नेपाल आदिवासी जनजाति महासंघका उपाध्यक्ष गोविन्द छन्त्याल, नेता कुमार लिंदेन, दलमद्र्धनकामीसहित ११ जना पक्राउ परेका हुन्। उनीहरुलाई भृकुटीमण्डपस्थित नेपाल पुलिस क्लबमा राखिएको छ।