राजधानीको धोबिखोलामा स्थानीय र प्रहरीबीच झडप

✍️ नयाँपुस्ता डटकम ३० असार २०७६, सोमबार १६:३६

काठमाडौं । राजधानीको धोबिखोलामा स्थानीय र प्रहरीबीच झडप भएको छ। धोबिखोला छेउमा खाने पानीको डिप बोरिङ गाड्न नपाउने भन्दै स्थानीयले विरोध गरेपछि प्रहरी र स्थानीयबीच झडप भएको हो।

धोबिखोलाको छेउमा मापदण्ड नपुर्‍याइ बोरिङ खन्न लागेको र व्यक्तिको जग्गामा बोरिङ परेकोले स्थानीयले बिरोध गरेका हुन्। सोमबार बिहान विरोध प्रदर्शनमा उत्रिएका स्थानीयको अवरोधलाई रोक्न प्रहरी परिचालन गरिएको थियो।

विरोध प्रदर्शनमा प्रहरीबल प्रयोग गरेर मेयर, उपमेयर र वडाअध्यक्षले मिलेमतोमा स्थानीयको हित विपरित काम गरिरहेको स्थानीयले बताएका छन्। बोरिङले पानी निकाल्दा वरपरको बस्तीमा पानी सुक्ने समस्या आउने भएकोले आफुहरु विरोधमा उत्रिएको स्थानीयको भनाइ छ।