रारा ताल नजिकै भूकम्पको धक्का, सर्वसाधारण त्रसित

✍️ नयाँपुस्ता डटकम १७ जेष्ठ २०७६, शुक्रबार ०७:५९

काठमाडौं । हिजो बिहीबार सर्वसाधारणले एकाएक भूकम्पको धक्का महसूस गरेका छन् ।

कर्णाली प्रदेशको मुगु जिल्लामा भूकम्पको धक्का महसूस गरिएको हो । भूकम्पको केन्द्रबिन्दू रहेको ठाउँ बहुचर्चित रारा ताल नजिकै पर्छ ।

राष्ट्रिय भूकम्प मापन तथा अनुसन्धान केन्द्रका अनुसार १० बजेर १ मिनेटमा भूकम्प गएको हो । भूकम्प ४.६ म्याग्निट्यूडको रहेको भूकम्प मापन केन्द्रले जनाएको छ।

भूकम्पको धक्का महसूस भएपछि सर्वसाधारण घरबाहिर निस्किएका थिए। यसअघि जेठ ११ गते बझाङमा भूकम्पको धक्का महसूस भएको थियो।