दरबार मार्गमा पूर्व राजपरिवारको ‘फन्नी फ्राइडे’

✍️ नयाँपुस्ता डटकम ३१ बैशाख २०७६, मंगलवार २१:१३

काठमाडौँ । पूर्व राजा ज्ञानेन्द्र शाहले परिवार सहित काठमाडौंको दरबार मार्गस्थित किंग्स लाउन्जमा ३ घण्टा समय बिताएका छन्।

गत शुक्रबार पूर्व राजा ज्ञानेन्द्र शाहले पूर्व राज परिवारका सदस्य तथा आफन्तसँग ह्याप्पी फ्राइडे मनाएका हुन्। पूर्व रानी कोमल शाह, पूर्व युवराज्ञी हिमानी शाहलगायतका साथमा पुर्व राजा ज्ञानेन्द्र किंग्स लाउञ्ज पुगेका थिए।

सुट पाइन्ट लगाएर औपचारिक शैलीमा किंग्स लाउन्ज पुगेका पूर्व राजा ज्ञानेन्द्र हर्षित मुद्रामा देखिएका थिए।

झण्डै ४० जना आफन्तको साथमा किंग्स लाउन्ज पुगेका ज्ञानेन्द्रले पुरै तीन घण्टा समय बिताएका थिए।पूर्व राजपरिवारका तर्फबाट पहिले नै रेस्टुरेन्ट बुकिङ गरिएको थियो । पूर्व राजा सहभागी उक्त दिन लाउन्जमा किंग्स ब्याण्डका राकेश खालिङ, अन्जली राई लगायतले विभिन्न मौलिक नेपाली गीत संगितहरु प्रस्तुत गरेका थिए ।

तस्वीर : सरोज राई