प्रधानमन्त्री ओली र प्रचण्ड आज झापा जाने

✍️ नयाँपुस्ता डटकम २१ फाल्गुन २०७५, मंगलवार १०:०१

खगेन्द्र घिमिरे
झापा । आज प्रधानमन्त्री तथा नेकपाका अध्यक्ष केपी शर्मा ओली र अध्यक्ष पुष्पकमल दाहाल झापाको सुखानी आउने भएका छन्।

२०२९ सालमा जेलको बहानामा इलाम र झापाको सीमाना सुखानीको जंगलमा लगी तत्कालिन सरकारले हत्या गरेका रामनाथ दाहाल, नेत्र घिमिरे, वीरेन राजवंशी, कृष्ण कुईंकेल तथा नारायण श्रेष्णलाई श्रद्धाञ्जली दिन उनीहरु झापा आउने भएका हुन।

नेकपा प्रदेश नं १ का अध्यक्ष देवराज घिमिरेले सुखानीमा सहिदको सम्मान र श्रद्धाञ्जलि कार्यक्रम हुने जानकारी दिए। निरंकुश राजतन्त्र र पञ्चायती व्यवस्था विरुद्ध उठेको किसान आन्दोलनमा तत्कालिन सरकारले ती पाँच जनालाई सुखानीको जंगलमा लगी हत्या गरेको थियो ।

आजै दिवंगत मन्त्री रविन्द्र अधिकारी तथा अर्का नेता भरतमोहन अधिकारीसहितलाई पनि श्रद्धाञ्जलि अर्पण गर्ने कार्यक्रम रहेको छ।