राजकीय सम्मानका साथ अधिकारीको अन्त्येष्टि, तीनवटी छोरीले दिए दागबत्ति

काठमाडौं । नेकपाका नेता एव पूर्वमन्त्री भरतमोहन अधिकारीको राजकीय सम्मानका साथ पशुपति आर्यघाटमा अन्त्येष्टि गरिएको छ । उनको पार्थिव शरीरलाई छोरीहरु लुना, लिमा र लिजाले नेता अधिकारीलाई तीन छोरीले दागबत्ती दिएका हुन ।

आर्यघाटमा अन्त्येष्टि अघि नेपाल सरकारका उपप्रधान तथा रक्षामन्त्री ईश्वर पोख्रेलले राष्ट्रिय झण्डा ओढाए । अधिकारीको अन्त्यष्टिका क्रममा सशस्त्र प्रहरीको एक टुकडीले सलामी अर्पण गरेको थियो ।

Advertisement

नेता अधिकारीको पार्थिव शरीरलाई अन्त्येष्टिअघि नेकपाको पार्टी कार्यालय धुम्बाराहीमा अन्तिम श्रद्धाञ्जली दिइएको थियो । यसअघि प्रधानमन्त्री केपी शर्मा ओली र पार्टी अध्यक्ष प्रचण्डले पार्टीको झण्डा ओढाएर नेता अधिकारीप्रति श्रद्धाञ्जली व्यक्त गरेका थिए ।

उपचारको क्रममा शनिबार बेलुका निधन भएका थियो।