काँग्रेस दलको नेता चयनका लागि मतदान सकियो, गणना तत्कालै

काठमाडौं । नेपाली काँग्रेस संसदीय दलको नेता चयनका लागि मतदान सम्पन्न भएको छ ।

काँग्रेस संसदीय दलको कार्यालय सिंहदरबारमा बिहान १० बजेदेखि शुरु भएको मतदान भर्खरै सम्पन्न भएको हो । दलको नेताका लागि २ प्रतिस्पर्धीले मतदान गरेका छन् ।

Advertisement

दलको नेताका लागि पार्टी सभापति शेरबहादुर देउवा र पूर्व महामन्त्री तथा पूर्व उपनेता प्रकाशमान सिंह चुनावी मैदानमा छन् । प्रतिनिधिसभामा कांग्रेसका प्रत्यक्ष निर्वाचित २३ र समानुपातिकतर्फका ४० गरी ६३ जना सांसद छन् ।

मतदानमा ६३ जनाले नै मतदान गरेका छन् । मतदान सकिएसँगैं मतगणना शुरु गर्ने तयारी गरिएको छ ।

आजै काँग्रेसले २ः३० बजे संसदीय दलको वैठक पनि बोलाएको छ ।