नेपाल सहकारी पत्रकार समाजको अध्यक्षमा श्रेष्ठ निर्वाचित 

काठमाडौं l नेपाल सहकारी पत्रकार समाज (सिजेएन) को अध्यक्षमा पत्रकार काजी श्रेष्ठ निर्विरोध निर्वाचित भएका छन् ।

समाजको ११ औं साधारण सभाले सहकारीखबर अनलाइनका प्रधानसम्पादक एवं प्रकाशक समेत रहेका श्रेष्ठको नेतृत्वमा ७ सदस्यीय कार्यसमिति निर्विरोध चयन भएको हो ।

Advertisement

यस्तै समाजको उपाध्यक्षमा अन्नपुर्ण पोष्ट दैनिकका तुलसीराम सुवेदी, सचिवमा सहकारी सञ्चारका अर्जुन खतिवडा, सहसचिवमा गोरखापत्र दैनिकका भेषराज वेलवासे, कोषाध्यक्षमा रातोपाटी डटकमका प्रयास श्रेष्ठ निर्वाचित भए ।

सदस्यमा बिकास न्यूज डटकमका सन्तोष रोकाय र मेरो लगानी डटकमकी सुधा देवकोटा चयन भए । समाजमा दुई सदस्य अध्यक्षले मनोनीत गर्ने प्रावधान रहेको छ ।