रौतहट-१ बाट माधव नेपाल विजयी, ६ हजार ६ सय मतान्तर

✍️ नयाँपुस्ता डटकम ८ मंसिर २०७९, बिहीबार १२:४७

काठमाडाैं | नेकपा एकीकृत समाजवादीका अध्यक्ष माधव नेपालले रौतहट–१ बाट चुनाव जितेका छन्। उनले नेकपा एमालेका अजयकुमार गुप्तालाई पराजित गरेर चुनाव जितेका हुन् ।

उनले ६ हजार ६०० मतको अन्तरले चुनाव जितेका हुन् । नेपालले ३३ हजार ५२२ मत पाएका छन् भने एमाले नेता गुप्ताले २६ हजार ९२२ मत पाएका छन् ।

माधव नेपालको जितसँगै एकीकृत समाजवादीका ७ जना उम्मेदवारले चुनाव जितेका छन् । यसअघिको चुनावमा काठमाडौं–२ बाट चुनाव जितेका माधव नेपाल यस पटक रौतहट–१ पुगेर उम्मेदवारी दिएका हुन् ।