दाम्पत्य सुखका लागि कस्तो हुनुपर्छ शयन कक्षको वास्तु ?

काठमाडौँ । विवाहित जीवनमा खुशी चाहनुहुन्छ भने ध्यान राख्नुहोस् कि शयनकक्ष हावा बहने र शान्त हुनुपर्छ। कोठामा भइरहेको कुराकानीको आवाज बाहिर जाने खालको नबनाउनुहोस्। यसले विवाहित जीवनमा मिठास ल्याउँदैन। शयन कक्षको वास्तुकलाको बारेमा केही जानकारी तल प्रस्तुत गरिएको छ।

सुत्ने कोठा घरको सबैभन्दा महत्वपूर्ण अंश हो। यहाँ राखिएको सबै कुराले विवाहित जीवनमा प्रभाव पार्छ। जस्तै फोटो, फूलको भाँडो, पलंग आदि। शयन कक्षमा श्रीमान् र श्रीमतीले सँगै आफ्नो हँसिलो फोटो राख्ने गर्छन्। तर फोटो आफू सुत्ने खाटको खुट्टापट्टि नराख्नुहोस्।

हरेक अमावश्यामा कालो तिललाई उत्तर–पश्चिम कुनामा सजाएर राख्नुहोस्। रोमान्स र गोपनीयता कायम राख्नको लागि ध्यान दिनुहोस् कि शयनकक्षको झ्याल अर्को कोठासँग राख्नु हुन्न। मनी प्लान्टहरू आपसी प्रेम र शयनकक्षको सौन्दर्यको लागि पनि रोपिएका हुन्छन्। मनी प्लान्ट रोपेपछि पतिपत्नीबीचको सम्बन्ध मीठो हुन्छ भन्ने मान्यता वास्तु शास्त्रमा पाइन्छ।

शयनकक्षमा हल्का गुलाबी रंगको किरण पर्दा दम्पतीहरूमा प्रेमभाव जाग्छ भन्ने मान्यता छ। वास्तुका अनुसार जहिले पनि आफ्नो टाउको दक्षिण वा पूर्व दिशामा पारेर सुत्नुहोस्, ताकि पृथ्वीको चुम्बकीय क्षेत्र अनुसार तपाईं लामो र गहिरो निद्रा पाउन सक्नुहुनेछ। आरामदायी र पूर्ण निद्राले विवाहित जीवनलाई अझ रमाइलो बनाउँछ।

पत्नी श्रीमानको देब्रेपट्टि सुत्नु राम्रो हुन्छ। यदि कोठामा ड्रेसिंग टेबल छ भने सावधान हुनुहोस्, तपाईंको प्रतिबिम्ब ऐनामा नपरोस्। ऐनालाई ढाक्नुहोस्।

बेडरूममा मन्द प्रकाशको व्यवस्था गर्नुपर्छ। तर प्रकाश सिधा ओछ्यानमा पार्नु हुँदैन। वास्तुका अनुसार शयनकक्षमा स्नानगृह हुनु हुँदैन किनभने दुवै व्यक्तिको ऊर्जाको आपसी आदानप्रदान स्वास्थ्यको लागि राम्रो हुँदैन।

यदि तपाईं शयनकक्षमा स्नानागार राख्न चाहनुहुन्छ भने यसलाई दक्षिण पूर्व कोणमा निर्माण गर्नुहोस्। यदि यो सम्भव छैन भने उत्तर-पश्चिम कुनामा पनि निर्माण गर्न सकिन्छ। ओछ्यानमा मयुरको प्वाँख राख्नुहोस्।

वास्तुशास्त्र अनुसार सुत्ने कोठामा पूजा स्थल बनाउनु वा देवीदेवताहरूको चित्र राख्नु ठीक हुँदैन। राख्नै चाहनुहुन्छ भने राधा-कृष्णको तस्वीर बेडरूमको शिरपट्टिको भागमा राख्न सक्नुहुन्छ।

यदि तपाईंको आर्थिक अवस्था राम्रो छैन र वैवाहिक जीवनमा खुसी हुनुहुन्न क्रिस्टललाई चामलको दानासँग मिसाएर शयन कक्षमा राख्नुहोस्। तामा र पितलको सिक्का रातो कपडाको झोलामा राख्नुहोस्।

कहिलेकाँही शयनकक्षको विन्डोबाट नकारात्मक चीजहरू देख्न सकिन्छ, जस्तै सुख्खा रूखहरू, कारखाना चिम्नीबाट धुवाँ आएकोे आदि। त्यस्ता दृश्यहरूबाट जोगिन झ्यालमा पर्दा राख्नुहोस्।

के गर्नुहुन्न ?

बेडरूममा ऐना नराख्नुहोस्। टुक्रिएको गिलास कोठामा नराख्नुहोस्। बेडरूम उत्तर दिशामा हुनुहुन्न।ओछ्यान ढोका अगाडि हुनुहुँदैन। यदि छ भने उत्तर/पश्चिम कुनामा पिरामिड मुनि कोरल स्टोन राख्नुहोस्।

बेडरूमको ढोका खोल्दा वा बन्द गर्दा कुनै प्रकारको आवाज आउनु हुँदैन। कैंची वा आइरन जस्ता कुरालाई ओछ्यानबाट टाढा राख्नुहोस्। शयनकक्षमा पानीको तस्वीरवाला पेन्टिङ नराख्नुहोस्।

खराब एयर कन्डिसनर वा फ्यान जस्ता सामग्रीहरु जसबाट आवाज आउँछ, यसलाई तुरुन्तै अन्यत्र सार्नुहोस्। यस कारणले दम्पतीको सम्बन्धमा समस्या आउन सक्छ। सुगन्धित मैनबत्तीहरू राख्नुहोस्।