ओली सरकारलाई काँग्रेसको टक्कर, बनायो छायाँ सरकार (मन्त्रीको सूचीसहित)

काठमाडौं । प्रमुख विपक्षी दल नेपाली कांग्रेसले वर्तमान सरकारको काम कारवाहीको निगरानी गर्नका लागि छायाँ सरकार बनाएको छ ।

काँग्रेस सभापति शेरबहादुर देउवाले संसदीय दलको विधानको धारा ९ को उपधारा ५ (क) अनुसार छायाँ सरकारको रुपमा काम गर्न मन्त्रालय स्तरीय समन्वय समिति बनाएको जारी बिज्ञप्तीमा जनाईएको छ ।

Advertisement

जसअनुसार उर्जा समितिको संयोजकमा ज्ञानेन्द्रबहादुर कार्की, परराष्ट्रमा नारायण खड्का, अर्थमा मिनेन्द्र रिजाल, गृहमा दिलेन्द्रप्रसाद बडू संयोजक तोकिएका छन् । शहरी विकासमा उमाकान्त चौधरी, खेलकुदमा किशोर सिंह राठौर, उद्योगमा मीन विश्वकर्मा, शिक्षामा गगन थापा, खानेपानीमा सुजाता परियार, स्वास्थ्यमा पार्वती डिसी चौधरी, पर्यटनमा देवेन्द्र कँडेल, श्रममा डिला संग्रौला, सञ्चार समितिको संयोजकमा बहादुर सिंह लामा तोकिएका छन् ।

भूमिसुधारमा लक्ष्मी परियार, संघीय मामिलामा अतहर कमाल मुसलमान, कृषिमा पद्मनारायण चौधरी, महिलामा उमा रेग्मी, रक्षामा भीमसेनदास प्रधान, भौतिक पूर्वाधारमा सञ्जयकुमार गौतम, वनमा राजेन्द्र केसी र कानुन मन्त्रालयको समितिको संयोजकमा राधेश्याम अधिकारी तोकिएका छन् ।

वर्तमान सरकारले बिभिन्न मन्त्रालयहरुमा गरेका काम कारवाहीको अनुगमन गर्ने काम छायाँ सरकारले गर्ने काँग्रेसले गर्नेछ ।