खोलामा डुबेर २ बालकको निधन

✍️ नयाँपुस्ता डटकम २८ बैशाख २०७६, शनिबार १८:०७

कैलाली । लम्कीचुहा–७ को रोरा खोलामा डुबेर दुई बालकको ज्यान गएको छ।

परशुराम चौधरीका नौ वर्षीय छोरा समर चौधरी र मनोज चौधरीका नौ वर्षीय छोरा सुदिप चौधरीको नुहाउने क्रममा खोलामा डुबेर ज्यान गएको इलाका प्रहरी कार्यालय मोतिपुरले जनाएको छ।

जिटी फारवेष्टन एकेडमीमा कक्षा चारमा अध्ययन गर्ने दुबै बालकको शव पोष्टमार्टमका लागि टिकापुर अस्पताल लगिएको प्रहरीले जानकारी दिएको छ।