घुस खाएको आरोपमा स्याङ्जाका नेकपा नेता कलंकीबाट पक्राउ

✍️ नयाँपुस्ता डटकम १९ भाद्र २०७६, बिहीबार १६:००

काठमाडौँ । पूर्व सांसद डीबी कार्की पक्राउ परेका छन्। प्रहरी निरीक्षक बनाउँछु भन्दै घुस खाएर भागेको आरोप लागेका उनलाई बिहीबार बिहान काठमाडौंको कलंकी आसपास क्षेत्रबाट सीआईबीको टोलीले पक्राउ गरेको हो । उनी नौ वर्ष पहिले घुससहित पक्राउ परेका थिए।

लमजुङबाट तत्कालिन नेकपा एमालेका समानुपातिक सांसद कार्कीलाई सर्वोच्च अदालतले गत असारमा दोषी ठहर गरेको थियो।

सर्वोच्चका न्यायाधीशद्वय दीपककुमार कार्की र कुमार रेग्मीको संयुक्त इजलाशले असार १७ गते मंगलबार विशेष अदालतको फैसलालाई सदर गरेको थियो ।