सहचालकले चलाएको ट्रक फिर्के पुलबाट खस्यो

✍️ नयाँपुस्ता डटकम २५ जेष्ठ २०७६, शनिबार २०:३६

लेखनाथ, पोखरा । फिर्के पुलबाट एउटा ट्रक खोलामा खसेको छ । सहचालकले चलाएको उक्त ट्रक शनिबार बिहानै फिर्के पुलबाट ट्रक खोलामा खसेको प्रहरीले जनाएको छ।

विन्ध्यवासिनीतर्फबाट जिरो किमी तर्फ हुँदै गईरहेको ग १ क ४४७३ नम्बरको दुर्घटनाग्रस्त ट्रकमा दुई जना सवार रहेको जिल्ला प्रहरी कार्यालय, कास्की पुष्टी गरेको छ।

दुर्घटनामा परी तनहुँ घर भएका २० वर्षीय सहचालक सुवास गुरुङ घाईते छन् । उनको गण्डकी मेडिकल कलेजमा उपचार भईरहेको छ । दुर्घटना हुने समयमा ट्रक उनैले चलाएका थिए ।

३६ वर्षीय चालक सोनम गुरुङ सामान्य रहेका छन् ।