रुकुममा टयाक्टर दुर्घटना हुँदा दुईको मृत्यु

✍️ नयाँपुस्ता डटकम ५ जेष्ठ २०७५, शनिबार १३:०६

रुकुम । रुकुममा टयाक्टर दुर्घटना हुँदा दुई जनाको मृत्यु भएको छ ।

रुकुम पूर्वको भूमे गाउँपालिकामा गए राति भएको दुर्घटनामा अन्य १४ जना घाइते भएका छन् । गाउँपालिका –१ पञ्चासेमा रा १ त २२६१ नम्बरको ट्र्याक्टरको ट्रली(पछाडिको भाग) सडकबाट चिप्लिँदा दुर्घटना भएको प्रहरीले जनाएको छ ।

दुर्घटनामा परी सोही ठाउँका ४० वर्षीय गणेश भण्डारी र तुलसीपुर उपमहानगरपालिका दाङका ३२ वर्षीय चूडामणि चौधरीको मृत्यु भएको छ । दुर्घटनामा घाइतेको रुकुम पश्चिमको जिल्ला अस्पताल सल्लेमा उपचार भइरहेको छ ।