तरुण दल स्याङजाले प्रशिक्षण कार्यक्रम लिएर गाउँ पस्ने

✍️ नयाँपुस्ता डटकम २० बैशाख २०७५, बिहीबार ११:११

स्याङ्जा । नेपाल तरुण दल स्याङजाले बिभिन्न कार्यक्रमसहित गाउँ गाउँमा कार्यकर्ता भेला तथा सदस्यता वितरण गर्ने भएको छ ।

मंगलबार भिरकोट नगरपालिका बयरघारीमा बसेको बैठकले तरुण दलको केन्द्रिय परिपत्रअनुसार यही जेठ ५ गते जिल्ला प्रशिक्षण, १२ गते ११ वटै स्थानीय तहमा प्रशिक्षण, १९ गते ९७ वडाहरुमा प्रशिक्षण गरी सदस्यता तथा सक्रिय सदस्यता विस्तार गर्ने निर्णय गरेको हो ।

कार्यक्रममा बोल्दै नेपाल तरुण दलका जिल्ला सभापति तथा प्रदेश सांसद भागवतप्रकाश मल्लले स्याङजामा तरुणहरु सक्रिय अवस्थामा रहेको र आगामी दिनहरुमा पनि अझ सक्रिय भएर लाग्न आग्रह गरे ।

साथै उनले आगामी निर्वाचनमा कागे्रसलाई पहिलो पार्टीको रुपमा स्थापित गर्नका लागी युवाहरु अहिलेदेखि नै सक्रियताका साथ लाग्नुपर्नेमा जोड दिए ।