जन्ती बोकेको ट्रयाक्टर दुर्घटना, २५ जना घाइते

✍️ नयाँपुस्ता डटकम २७ फाल्गुन २०७४, आईतवार १२:०८

मोरङ । मोरङको जहदा गाउँपालिका–४, रामचौकमा जन्ती बोकेको ट्याक्टर दुुर्घटना हुँदा २५ जना जन्ती घाइते भएका छन्।

रंगेली–विराटनगर सडक खण्डमा जन्ती बोकेको को २ त २०३७ नम्बरको ट्याक्टर बिहान दुर्घटना भएको हो। दुर्घटनमा घाइते मध्ये दुई जनाको अवस्था गम्भीर रहेको र अन्य २३ जनाको अवस्था समान्य रहेको प्रहरीले जनाएको छ।

घाइतेको कोशी अञ्चल अस्पताल विराटनगरमा उपचार भइरेहको छ। ट्याक्टरका चालक भने फरार रहेको प्रहरीले जनाएको छ।