इराकमा दुवै मृगौला फेल भएर उपचार गराइरहेका नेपाली युवकको मृत्यु

✍️ नयाँपुस्ता डटकम १ भाद्र २०७७, सोमबार १५:५६

काठमाडौँ । इराकको कुर्दिस्तानमा एक नेपाली युवाको मृत्यु भएको छ ।

वैदेशिक रोजगारका लागि ३ वर्षअघि इराक पुगेका मकवानपुरका ३६ वर्षीय दीपक कुमार लामाको आइतबार उपचारको क्रममा अस्पतालमा निधन भएको त्याहाँ रहेका नेपालीहरुले जनाएका छन् ।

लामाको विगत ६ महिनादेखि दुवै मृगौला फेल भएका थिए।

डाइलोसिस गर्दै गर्दा गम्भीर अवस्थामा पुगेपछि उनलाई सकारी अस्पतालमा रिफर गरिएको थियो । सरकारी अस्पातल पुर्‍याइएको केही दिनमै उनलाई अस्पतालले मृत घोषणा गरेको हो।

लकडाउनको बेलामा बिरामी परेपछि उनी नेपाल फर्किन सकेका थिएनन् ।