स्याङ्जामा अभिभावकलाई अभिभावक शिक्षा, बालबालिकालाई नैतिक र आरोग्य शिक्षा

गण्डकी प्रदेश सरकार अन्तर्गतको एकीकृत सेवा कार्यालय स्याङ्जाको आयोजनामा भिरकोट नगरपालिका वडा नं. ८ स्थितपब्लिक एकेडेमी माध्यमिक विद्यालयमा त्यस क्षेत्रका अभिभावकहलाई अभिभावक शिक्षा र बालबालिकाहरुलाई नैतिकशिक्षा र आरोग्य शिक्षाका विभिन्न कार्यक्रमहरु सम्पन्न भएको छ ।

कार्यक्रममा  भिरकोट नगरपालिका नगरप्रमुख गोविन्द कुमार कर्मचार्यलेअभिभावकहरुलाई बालबालिकाको बहुआयमिकक्षेत्रको विकास गर्नको लागि अभिभावक शिक्षा , बालबालिकाहरुको लागि नैतिक शिक्षा र आरोग्य ज्ञान र भविष्यको मार्गकार्यक्रम अत्यन्तै महत्वपुर्ण र फलदायी साबित हुने बताए । निवर्तमान नगरप्रमुख छायाराम खनालले  विद्यालय, शिक्षक, अभिभावक र विद्यार्थीको अन्तरसम्बन्धलाई थप मजबुत बनाउन यस्ता कार्यक्रमको महत्वपूर्ण भूमिका हुने विश्वास व्यक्त गरे ।

Advertisement

एकीकृत सेवा कार्यालय स्याङ्जाका  प्रमुख जीवन पौडेलले बालबालिकाको उमेर अनुसारको सर्वाङ्गिण विकास रसिकाइका लागि अभिभावकको ज्ञान, सिप र सकारात्मक धारणा अभिवृद्धि गर्न कार्यक्रमले सहयोग पुर्याउने विश्वास व्यक्तगरे । उनले बालबालिकामा इमान्दार र जिम्मेबार बनाउनको साथै उनीहरुको शारीरिक र मानसिक स्वास्थ्यसँगै सकरात्मकभावना सिर्जनासँगै बालबालिकाहरुमा उनीहरुको रुची, क्षमता र लक्ष्य पहिचान गर्न यस्ता कार्यक्रमले महत्वपूर्ण भूमिका खेल्नेविश्वास व्यक्त गरे ।

कार्यक्रममा अभिभावक शिक्षा कार्यक्रमको राष्ट्रिय प्रशिक्षक तथा गण्डकी आवसिय माविकी शिक्षिका लक्ष्मी शर्मालेविद्यार्थी, अभिभावक र शिक्षक अन्तरसम्बधका साथै अभिभाकको भुमिका लगायत बहुआयमिक विषयमा सहजिकरणगरिन । उनले अभिभावकरुपी आमा र बाबु तथा घरका अन्य सदस्यले बालबालिकाको असल चरित्र निर्माण गर्नमा मुख्यभूमिका खेल्नुपर्ने बताइन । उनले बालबालिकामा अनुशासन सँगै आफ्नो भविष्य उज्जल बनाउन मिहेनतसँग आफ्नो लक्ष्यमाअगाडी बढ्नुपर्ने कुरामा जोड दिइन ।

जीवन विज्ञान स्याङ्जा संयोजक राधा अर्याल पौडेलले आरोग्य ज्ञान बहुआयमिक क्षेत्र समेटेको उल्लेख गर्दै योग, ध्यान रसकारात्मक चिन्तन प्राचीन तथा वैज्ञानिक रूपमा प्रमाणित विधिहरू भएको बताउँदै जसले शरीर र मन दुवैलाई सन्तुलित राख्नसहयोग पुर्‍याउने, शरिरमा  ऊर्जा वृद्धि गर्ने, मनलाई शान्त, केन्द्रित र स्थिर  बनाउन सहयोग गर्नुको साथै व्यक्तिको सोचाइ, व्यवहार र जीवनप्रतिको दृष्टिकोणमा सुधार ल्याई मानसिक सन्तुलन कायम राख्न महत्वपूर्ण भूमिका खेल्ने बताइन ।

कार्यक्रममा वडा नं. ८ का वडा अध्यक्ष नन्दलाल खनाल,  विद्यालयका प्रधानाध्यापक  सरिता रोका क्षेत्री   लगायतले यसकिसिमको कार्यक्रमले अभिभावक, शिक्षक र विद्यार्थीको सम्बन्ध थप मजबुत बनाउनुको साथै नैतिक शिक्षासँगै मानसिक, शारिरीक स्वास्थ्यसँगै समाजमा सकरात्मक भावन सिर्जना गर्न सहयोग गर्ने  धारणा  राखेका थिए ।

अभिभावक,शिक्षक र अन्य सरोकारवाला समेतको  सहभागिता रहेको कार्यक्रम विव्यास अध्यक्ष  चित्रबहादूर राना भुजेलअध्यक्षतामा सम्पन्न भएको थियो भने सञ्चालन विद्यालयका शिक्षक नारायण प्रसाद कोइरालाले गरेका थिए ।

कार्यक्रमले अभिभावकहरुलाई परिवारमा स्वस्थ वातावरण सिर्जना गर्न, शिक्षाको महत्व बुझाउन, सामाजिक एकता रसहिष्णुता कायम गर्न, नकरात्मक क्रियाकलाप र सोचबाट टाढा राखी जीवनलाई सरल र सहज तरिकाबाट जिउन, बालबालिकामा सदाचार, अनुशासन, इमानदारी, जिम्मेवारी र सहानुभूति जस्ता गुणहरू विकास हुनुको साथै उनीहरुकोशारीरिक, मानसिक र सामाजिक स्वास्थ्य सुदृढ बनाउन सहयोग गरी पढाइमा ध्यान केन्द्रित गर्न र  बालबालिकालाई आफ्नोरुचि, क्षमता र लक्ष्य पहिचान , सही करियर छनोट, समय व्यवस्थापन र आत्मविश्वास विकासमा मार्गदर्शनमा सहयोगपुर्याउनेमा कार्यालयले विश्वास लिएको छ ।