केरलमा राहुल गान्धी ३ लाख मतले अगाडि

✍️ नयाँपुस्ता डटकम ९ जेष्ठ २०७६, बिहीबार १७:५४

भारतीय लोकसभा निर्वाचनअन्तर्गत बिहीबार भइरहेको मतगणनामा ९० सिटमा मात्र अग्रता लिइरहेको कांग्रेस नेतृत्वको गठबन्धनका प्रमुख राहुल गान्धीले केरलको वायनाडमा ३ लाखभन्दा बढी मतको अग्रता लिएका छन्।

अधिकांश राज्यमा भाजपाले अग्रता लिए पनि केरल राज्यमा भने ऊ कमजोर देखिएको छ। केरलमा कुल २० सिट मध्ये १८ सिटमा कांग्रेस गठबन्धनले अग्रता लिएको छ भने भाजपाले केवल एक स्थानमा मात्रै अग्रता कायम गरेको छ।

सन् २०१४ को लोकसभा निर्वाचनमा कांग्रेस १० र भाजपाले एक सिटमा जित हात पारेको थियो।