म्याग्दीमा यात्रुबहाक बस दुर्घटना, १५ जना घाइते

✍️ नयाँपुस्ता डटकम २५ बैशाख २०७६, बुधबार २१:३६

बेनी । म्याग्दीको बेनी नगरपालिका ९ जम्रेनीमा बुधबार बस दुर्घटना हुँदा १५ यात्रु घाइते भएका छन्।

बेनीदेखि तोरीपानी जाँदै गरेको ना ५ ख ५७२४ नम्बरको बस दुर्घटना भएको हो। दुर्घटनाका सबै घाइतेको बेनी अस्पतालमा उपचार भइरहेको छ।

घटनास्थल पुगेका ट्राफिक प्रहरीका अनुसार साँधुरो सडकबाट बस पल्टिएको हो। घाइतेमध्ये बेनी-९ का ५८ वर्षीया रुद्रबहादुर चोखालको अवस्था गम्भीर छ।

प्रहरीले चालकलाई नियन्त्रणमा लिएको छ। दुर्घटनाको कारणबारे अनुसन्धार भइरहेको प्रहरीले जनाएको छ।