गाडी ब्याक गर्दा किचिएर गोरखाका एक जनाको मृत्यु

✍️ नयाँपुस्ता डटकम २१ बैशाख २०७६, शनिबार १७:५५

पोखरा । गाडी ब्याक गर्दा ठक्कर लागेर गोरखामा एक जनाको मृत्यु भएको छ । गोरखाको गण्डकी गाउँपालिका वडा नं ८ बेनी गाँउमा गाडीको ठक्करले ५८ बर्षिय देवनारायण श्रेष्ठको मृत्यु भएको हो ।

बा ५ ख ११७१ नम्बरको आईसर गाडिले ठक्कर दिँदा सोही ठाउँका श्रेष्ठको घटनास्थलमै मृत्यु भएको गण्डकी प्रदेश प्रहरी कार्यालय पोखराले जनाएको छ।

उक्त स्थानमा प्रहरी टोली खटिई सवारी साधन र चालकलाई नियन्त्रणमा लिई घटनाको विषयमा थप अनुसन्धान भईरहेको बताईएको छ।