भक्तपुरमा रथ तान्ने क्रममा ढुंगा हानाहान, ९ घाइते

✍️ नयाँपुस्ता डटकम ६ बैशाख २०७६, शुक्रबार १०:४२

भक्तपुर । भक्तपुरमा गएराति बिस्केट जात्राको रथ तान्ने क्रममा ढुंगा हानाहान हुँदा ९ जना घाइते भएका छन्।

गहिटीबाट रथ अघि बढाउने क्रममा तल्लो र माथिल्लो क्षेत्रका बासिन्दाबीच विवाद भएपछि ढुंगा हानाहान भएको हो। गःहिटीबाट तल्लो र माथिल्लो बासिन्दाले तान्न शुरु गरेको रथलाई माथिका बासिन्दाले वंशगोपाल पुर्याएर एउटा घरमा रथ ठोक्किएपछि तनावको स्थिति उत्पन्न भएको भक्तपुर प्रहरीले जनाएको छ।

ढुंगा हानाहानमा भक्तपुरका माइला दुवाल, रोजेश शिलाकार, अशिष शिलाकार, रौतहटका उमेश कुमार, काभ्रे मण्डन देऊपुरका विकास तामाङ घाइते भएका छन्। त्यस्तै, मनीष कासुला र रिमेश शाही पनि घाइते छन्। घाइते सबैको भक्तपुर अस्पतालमा उपचार गरिएको छ।