![top Inside [Health Ministry]](https://nayapusta.com/wp-content/uploads/2025/05/Nepallife.gif)
पोखरा । प्याराग्लाइडिङ दुर्घटनामा परी रोमानियाली नागरिकको ज्यान गएको भोलिपल्ट आजपनि दुई दुर्घटना भएका छन्। कास्कीको माछापुच्छ्रे र मादी गाउँपालिकामा प्याराग्लाइडिङ उडान भरेका दुईजना विदेशी पाइलट घाईते भएका हुन्।
दुर्घटनामा परेका मध्ये एकजनाको अवस्था गम्भिर छ भने अर्का सामान्य रहेको प्रहरीले जनाएको छ। प्रहरीका अनुसार माछापुच्छ्रे गाउँपालिका–९ ठाँटीमा पोर्चुगलका एकजना विदेशी प्याराग्लाइडिङ दुर्घटनामा परेका हुन्।
Advertisement
उनको परिचय खुलेको छैन । स्थानीयका अनुसार विद्युत तारमा अड्केका ती पाइलटलाइ करेन्ट लाग्दा भुईमा पछारिन पुगेका थिए।
यस्तै, मादी गाउँपालिका–७ छाचोकमा रसियाका पाइलट दुर्घटनामा परेका छन् । ६३ वर्षिय इलगिज यागुदिन भोगटेको रुखमा अड्केका थिए। उनलाई अर्को रुखबाट गएर स्थानीयले उद्धार गरेको वडा अध्यक्ष लालबहादुर गुरुङले बताए।