गुट्खा खाँदाखाँदै अड्किएर एक जनाको मृत्यु

✍️ नयाँपुस्ता डटकम २५ पुष २०७५, बुधबार ०१:०५

विराटनगर । मोरङको सुन्दर हरैंचा नगरपालिका–३ गछीयामा गुट्खा खाँदा घाँटीमा अड्किएर एक जनाको मृत्यु भएको छ ।

प्रदेश नं १ प्रहरी कार्यालय विराटनगरले मंगलबार दिएको जानकारी अनुसार सोही स्थानका ३५ वर्षीय शर्मानन्द तिम्सिनाले सोमबार राति गुट्खा खाँदा घाँटीमा अड्किएपछि मृत्यु भएको हो ।

उनको बिपी स्वास्थ्य विज्ञान प्रतिष्ठानका धरानमा उपचारको क्रममा मृत्यु भएको प्रहरीले जनाएको छ ।